Ronela Hajati ka surprizuar ndjekësit me një njoftim për projektin e saj më të ri muzikor, në bashkëpunim me dy prej emrave më të njohur të hip-hopit shqiptar, MC Kresha dhe Lyrical Son.

Këngëtarja ka ndarë në Instagram një foto që ka tërhequr menjëherë vëmendjen e publikut: Ronela shihet brenda një ene të madhe plot me speca të kuq, ndërsa pranë saj qëndrojnë dy reperët, të veshur si “shefa kuzhine”.

Postimi është shoqëruar me mbishkrimin:

“E premte – 17:00 ‘PËRSHESH’ me 🌶️🌶️”

Me këtë njoftim, Ronela ka konfirmuar se kënga do të publikohet të premten në orën 17:00, duke ngritur pritshmëritë e fansave për një tjetër hit që do pushtojë listat muzikore.

Pas suksesit të projekteve të saj të fundit, Ronela Hajati duket se po përgatitet për një tjetër “boom” muzikor, duke sjellë një bashkëpunim që premton shumë.

Të gjithë sytë tani janë nga e premtja, kur “Përshesh” do të publikohet zyrtarisht në platformat muzikore dhe pritet të pushtojë rrjetet sociale.