Behgjet Pacolli, ka dalë nga ambientet e Prokurorisë së Posaçme (SPAK) pas një qëndrimi prej rreth shtatë orësh.
Pasi ka dalë nga dyert e institucionit, i shoqëruar nga avokati i tij, Eduard Halimi, Pacolli është vendosur përballë gazetarëve, të cilëve u ka dhënë një deklaratë të shkurtër për arsyet e pranisë së tij në prokurorinë speciale.
Pacolli është shprehur se ka bërë vetëm një denoncim penal në lidhje me padrejtësi që i janë bërë ndër vite lidhur me aeroportin e Vlorës, duke mohuar të ketë ndonjë çështje tjetër apo ndonjë interes tjetër ndaj tij.
Gazetari: Për çfarë bëhet fjalë? Cili është interesi i prokurorëve për ju?
Pacolli: Unë vetëm kam bërë një denoncim penal… për padrejtësi që janë bërë deri tani, lidhur me aeroportin e Vlorës. Asgjë tjetër.
Gazetari: Pse qëndruat kaq gjatë? A pati ndonjë pyetje, a pati ndonjë interes për zonjën Balluku?
Behgjet Pacolli: Ja ku është avokati (drejton nga avokati i tij)
Burimi: botasot.info
