Nga Ministria e Punëve të Brendshme njoftojnë se në periudhën nga 01.01.2025 deri më 30.09.2025, Policia ka shqiptuar gjoba për 18.458 shoferë që kanë marrë pjesë në trafik pa pasur patentë shoferi. Më së shumti shoferë pa leje janë kapur në rajonin e Shkupit dhe Strumicës.
“Më së shumti shkelje të këtij lloji janë evidentuar në zonat e Sektoreve për Punë të Brendshme Strumicë dhe Shkup, me përkatësisht 3.275 dhe 3.202 shkelje; më pas në territorin e SPB Manastir, janë ndëshkuar 2.811 drejtues për drejtim pa patentë, në SPB Tetovë janë marrë 2.086 masa, ndërsa në SPB Kumanovë janë ndëshkuar 1.660 drejtues për drejtim pa patentë”, shtojnë mes tjerash nga MPB.
Burimi: alfax.mk
