Banorët e brezit kufitar me Serbinë, në Karaqevë të Kamenicës, kërkojnë një nënstacion policor që do t`u ofronte siguri banorëve. Shtetasit e Kosovës ndalohen e dënohen nga autoritetet serbe me arsyetime të ndryshme.
Banorët e brezit kufitar me Serbinë, edhe më tej jetojnë nën ankthin e pasigurisë. Provokimet e herëpashershme nga strukturat serbe, lëvizjet e dyshimta përgjatë vijës kufitare dhe incidentet që përsëriten, ua vështirësojnë jetën. Madje shtetasit e Kosovës, ndalohen e dënohen nga autoritetet serbe me arsyetime të ndryshme.
Nazif Baxhuku, banor i Karaqevës foli për frikën nga forcat serbe, të cilët edhe e arrestojnë ndonjë qytetar.
Banorët kërkojnë siguri të shtuar në këto anë, duke nënvizuar se nuk janë të qetë dhe të papriturat shpesh ndodhin.
“Prej Novo Sellës e në Karaqevë me ardhë nuk ka kurrfarë sigurie, bile policia serbe me pizgauera kanë qëndruar edhe të të stacionuar”, deklaroi Xhemail Baxhuku, banor i Karaqevës.
Shqetësim mbetet edhe mospatrullimi i policisë së Kosovës dhe mungesa e një nënstacioni policor në Karaqevë.
“Kur janë policia e ndiejmë vetën më të sigurt, e kur nuk është policia pasiguria është shumë më e madhe”, tha ndërkaq banori Xhemail Bagjuku, i cili edhe kërkon një nënsatacioni policor në Karaqevë.
Gjithë qytetarët i bien nëpër rrugën kryesore kurse policia e ka të ndaluara për fat të keq dhe KFOR-i me i ra nëpër rrugën kryesore me hy në Karaqevë por bien asaj rrugës anësore.
Me gjithë vështirësitë dhe provokimet, banorët e Karaqevës u bëjnë thirrje institucioneve të sigurisë që ta rrisin kujdesin dhe praninë e tyre në këtë zonë, në mënyrë që ata të mos ndihen të vetëm, por të mbrojtur nga shteti i tyre./RTK
Burimi: botasot.info
