Shtëpia e Bardhë njoftoi se Donald Trump dhe Vladimir Putin kanë zhvilluar një tjetër bisedë telefonike.
Konkretisht, zëdhënësja e Shtëpisë së Bardhë, Karoline Leavitt, theksoi se Presidenti i SHBA-së, Donald Trump, pati një diskutim pozitiv me homologun e tij rus, Vladimir Putin, lidhur me situatën në Ukrainë.
Më herët, zëdhënësi i Kremlinit, Dmitry Peskov, deklaroi se Trump dhe Putin do të zhvillojnë edhe një bisedë tjetër telefonike “shumë shpejt”, pas telefonatës së tyre të djeshme.
Thirrja erdhi një ditë pasi Trump u takua me Presidentin ukrainas Volodymyr Zelensky në Mar-a-Lago për të diskutuar luftën, megjithëse pas tre orësh bisedimesh, asnjëri prej tyre nuk njoftoi ndonjë përparim të madh.
Burimi: botasot.info
