PASADENA CA : Më 1 janar 2026, Parada e Trëndafilave (Rose Parade) në Pasadena, Kaliforni, shënoi edicionin e saj të 137-të me një ngjarje historike: shiun e parë pas 20 vitesh (që nga 2006). Pavarësisht motit të keq me reshje të dendura, mijëra spektatorë të veshur me ponço(mushamat) u mblodhën përgjatë rrugës 5.5 milje (8.8 km), duke dëshmuar entuziazmin e pandalshëm të Los Angelos. Tema e këtij viti, “The Magic in Teamwork” (Magjia e Bashkëpunimit), festoi fuqinë e bashkëpunimit për të krijuar diçka të jashtëzakonshme, e cila dha një mesazh që u reflektua perfekt në përpjekjet kolektive për të realizuar paradën në kushte sfiduese.
Parada filloi saktësisht në orën 8:00 të mëngjesit (orës lokale PT), e udhëhequr nga Grand Marshal legjenda e NBA-së, Earvin “Magic” Johnson. Ish-ylli i Los Angeles Lakers, tani biznesmen dhe filantrop i suksesshëm, i cili e përshkoi rrugën me një buzëqeshje, duke simbolizuar suksesin përmes punës ekipore. Johnson mori pjesë edhe në ceremoninë para ndeshjes së Rose Bowl.
Karrocat florale- Karrocat e luleve, të mbuluara plotësisht me lule të freskëta dhe materiale natyrore (si fara, lëvore dhe kafe të bluar), ishin atraksioni kryesor. Pavarësisht shiut që mbuloi detajet delikate me plastikë mbrojtës, ato shkëlqyen me ngjyra të gjalla. Çmimi më i lartë, Sweepstakes Trophy (për karrocën më të bukur në dizajn, prezantim floral dhe argëtim), shkoi te universitetet Cal Poly (Pomona dhe San Luis Obispo) për “Jungle Jumpstart” – një karrocë studentore që tregonte kafshë xhungle duke riparuar një robot bashkë. Kjo ishte fitorja e parë për Cal Poly dhe e shtata për një karrocë të ndërtuar vetë nga studentë.
Ndër çmimet e tjera kryesore:
Grand Marshal Award: San Diego Zoo Wildlife Alliance për “Giant Strides Together” (kafshë gjigante duke bashkëpunuar).
Extraordinaire Award: San Francisco Travel Association për një karrocë masive me Golden Gate Bridge.
President Award: OneLegacy Donate Life për “Treasure Every Moment Together”.
Animation Award: Boys & Girls Clubs për “Building Kinder Communities”.
Theme Award: City of Burbank për interpretimin më të mirë të temës.
Gjithsej 23 karroca morën çmime, të gjykuara nga ekspertë bazuar në kreativitet, floral dhe animacion.
Performancat muzikore shtuan energji: Hapja me këngëtaren britanike Bishop Briggs duke kënduar “We Will Rock You” dhe hitin e saj “River”. Gjatë paradës, u shfaqën Charlie Worsham (me një Kermill the Bretkocë gjigante në karrocën e Mississippi-t), John Foster me valltarë, dhe finalja me DEK of Hearts duke kënduar “Safe and Sound”. Grupe marshuese nga e gjithë bota, si “Golden Bears” nga Osaka, Japoni, dhe njësi kalorësish performuan me ritëm të lartë, duke sfiduar shiun.
Kuadratatet tradicionale sfiluan te Green Street dhe Orange Grove Blvd., duke kaluar në Colorado Blvd. për pjesën kryesore të shikueshmërisë. Parada u transmetua në ABC, NBC, CNN, Fox dhe platforma streaming si Pluto TV.
Pas paradës, fokusi u zhvendos te Rose Bowl Game, ku Indiana Hoosiers u përballën me Alabama Crimson Tide në çerekfinalen e playoff-it të futbollit universitar.
Me origjinë nga 1890 për të promovuar klimën e butë të Kalifornisë, Rose Parade tërhoqi miliona shikues globalë. Shiu që ra sot pas dy dekadave nuk e zbehu magjinë përkundrazi, dëshmoi bashkëpunimin e vërtetë për të mbajtur traditën gjallë.
Burimi: botasot.info
