Prokuroria Themelore Publike Tetovë, duke vepruar sipas një kallëzimi penal nga SPB Tetovë, filloi procedurë kundër një burri 49-vjeçar nga Tetova për të cilin ekziston dyshim i bazuar se ka kryer vepër penale – Rrezikim i sigurisë nga neni 144, paragrafi 5 i Kodit Penal.
“Më 28 tetor, i dyshuari nga një profil në rrjetin social Facebook postoi një video dhe tekst në gjuhën shqope, në të cilin kërcënonte hapur se do të kryente vrasje dhe vepra të tjera të rënda penale kundër një gruaje dhe zyrtarëve të një partie politike dhe personave me bindje politike. Postimi, i cili përmbante përmbajtje fyese, përçmuese dhe kërcënuese, te e dëmtuara shkaktoi ankth dhe frikë tek e dëmtuara”, theksohet në kumtesën e Prokurorisë Publike.
Prokurori publik, duke i marrë parasysh të gjitha rrethanat, gjykatësit të procedurës paraprake të Gjykatës Themelore në Tetovë i ka dorëzur propozim për caktimin e masës së paraburgimit për të dyshuarin. Gjykata e pranoi propozimin dhe caktoi masën e paraburgimit.
