Presidentja e Kosovës, Vjosa Osmani, është takuar në New York me Ndihmës Sekretarin e Përgjithshëm të NATO-s, Boris Ruge.
Osmani përmes një postimi në Facebook, bëri të ditur se ka theksuar se Kosova mbetet e vendosur për t’u bërë pjesë e Aleancës Veri-Atlantike.
Postimi i plotë:
Në New York pata kënaqësinë të takohem me Ndihmës Sekretarin e Përgjithshëm të NATO-s, ambasadorin Boris Ruge.
Gjatë takimit, ritheksova mirënjohjen e popullit të Kosovës për kontributin e vazhdueshëm të NATO-s në vendin tonë, si dhe përkushtimin e Republikës së Kosovës për anëtarësim në Aleancën Veri-Atlantike.
Burimi: botasot.info
