3
Tetovë, 21 korrik – Kryetari i Komunës së Tetovës, Bilall Kasami, së bashku me Kryeministrin e Republikës së Maqedonisë së Veriut, Hristijan Mickoski, bënë sot nisjen zyrtare të punimeve për rikonstruksionin e një objekti simbolik në qytet, i cili deri më tani përfaqësonte harresën institucionale, por që pritet të shndërrohet në simbol të zhvillimit dhe perspektivës së re për Tetovën.
“Ne nuk jemi këtu për premtime, por për punë konkrete,” u shpreh Bilall Kasami në fjalimin e tij, duke theksuar se qeverisja e mirë nuk matet me fjalë, por me vepra që i shërbejnë qytetarëve. Sipas tij, ky projekt është pjesë e vizionit për një Tetovë që ecën përpara, me drejtësi, zhvillim dhe transparencë.
Kryeministri Mickoski theksoi rëndësinë e bashkëpunimit ndërinstitucional dhe premtoi përkrahje të vazhdueshme për projektet zhvillimore në komunat e vendit.
Ky rikonstruksion pritet të jetë vetëm njëri nga disa projekte të paralajmëruara nga administrata lokale dhe qendrore, që kanë për qëllim rigjallërimin urban dhe përmirësimin e infrastrukturës publike në Tetovë.
Burimi: zhurnal.mk
