Kryesuesi i Komisionit Qendror të Zgjedhjeve, Kreshnik Radoniqi voton në Qendrën e Votimit 1703C, që ndodhet në shkollën fillore “Lidhja e Prizrenit” në Pejë. Pas votimit, ai do të japë deklaratë për media. (Ora 07:00)
Konferencat për media të Komisionit Qendror të Zgjedhjeve:
Konferenca e parë do të mbahet në orën 08:00 dhe ka për qëllim të njoftojë qytetarët lidhur me hapjen e qendrave të votimit.
Konferenca e dytë do të mbahet në orën 11:30. Në këtë konferencë do të bëhet e ditur pjesëmarrja në votime deri në orën 11:00 si dhe ecuria e procesit zgjedhor.
Konferenca e tretë do të mbahet në orën 15:30 për të prezantuar të dhënat lidhur me daljen e qytetarëve në votime deri në orën 15:00 dhe ecurinë e procesit zgjedhor deri në atë kohë.
Konferenca e katërt do të mbahet në orën 19:30, ku do të bëhet e ditur përfundimi i procesit të votimit, pjesëmarrja në zgjedhje dhe fillimin e numërimit të fletëvotimeve.
Për orën e saktë të mbajtjes së konferencës së pestë, për publikimin e rezultateve preliminare të subjekteve politike, KQZ-ja do të njoftojë me kohë.
Përveç konferencave të rregullta, KQZ do të publikojë në platformën e rezultateve statistika nga pjesëmarrja e votuesve në votime, në këto orare: 09:00, 13:00 dhe 17:00.
Kryetari i NISMA Socialdemokrate, Fatmir Limaj do të votojë në ora 11:00 në shkollën Faik Konica në Prishtinë.
Kryetari i Aleancës për Ardhmërinë e Kosovës, Ramush Haradinaj, do të votojë në Shkollën Fillore “Heronjtë e Dukagjinit” në Gllogjan, në ora 09:00.
Dimal Basha nga Lëvizja Vetëvendosje voton në zgjedhjet parlamentare. (Shkolla “Tefik Çanga”, Ferizaj, ora 11:00)
Votimet nga radhët e LDK-së:
Në orën 10:30, voton kryetari i Lidhjes Demokratike të Kosovës, Lumir Abdixhiku në shkollën fillore “Faik Konica”, në Prishtinë.
Në orën 11:00, voton kryetari i Prishtinës, Përparim Rama, në Fakultetin Ekonomik në Universitetin e Prishtinës;
Në orën 11:00, voton kryetari i Pejës, Gazmend Muhaxheri, në shkollën fillore “Lidhja e Prizrenit”, në Pejë;
Në orën 09:30, voton kryetari i Lipjanit, Imri Ahmeti, në shkollën fillore “7 Marsi”, në Poturovc;
Në orën 10:00, voton kryetari i Istogut, Ilir Ferati, në shkollën fillore “Martin Camaj”, në Gurrakoc;
Në orën 10:30, voton kryetari i Vitisë, Sokol Haliti, në shkollën fillore “Ahmet Hajdari”, në Begunc;
Në orën 10:30, voton kryetari i Junikut, Ruzhdi Shehu, në shkollën fillore “Edmond Hoxha”, në Junik;
Në orën 11:00, voton kryetari i Dragashit, Bexhet Xheladini, në SHFMU “28 Nëntori”, në Bersanë.
Burimi: botasot.info
