Ngjarjet e datës 27 nëntor

Forca e Sigurisë së Kosovës organizon “Ditën e Forcës – Ditë e Hapur”. Do të jenë të pranishëm udhëheqësit e lartë shtetërorë, mysafirë e ambasadorë të vendeve mike. (Kazerma “Adem Jashari”, Prishtinë nga ora 09:00-14:00)

CARE Deutschland e.V përmbyll projektin “IWKA – Përfshirja e grave në agrobiznesin e Kosovës – Përmirësimi i statusit ekonomik dhe social të grave në Kosovë duke mbështetur agrobiznesin e udhëhequr nga gratë”. (Hotel “Venus”, magjistralja Prishtinë – Ferizaj, kilometri i 10-të, ora 10:00)

Organizata Ndërkombëtare e Punës (ILO), përmes projektit HoReCa – Hospitable, Resilient, Capable, të financuar nga Qeveria e Italisë përmes Agjencisë Italiane për Bashkëpunim dhe Zhvillim (AICS), do të organizojë aktivitetin “Taste the Future: HoReCa & Slow Food Connections”. Merr pjesë ambasadori i Italisë. (Tech Park, Bërnicë e Poshtme, Prishtinë, ora 10:00)

Në prag të festës së 28 Nëntorit, kryetari i AAK-së Ramush Haradinaj do të bëjë homazhe në Prekaz. (Ora 10:00)

Departamenti i Historisë promovon librin “Osman Dumoshi – Simbol i demonstratave 1968” nga autori Selatin Novosella. (Salla 127, Fakulteti Filozofik, Universiteti i Prishtinës, ora 11:00)

Shoqata “Miqtë e Amerikës” mban aktivitetin e saj të radhës. (Para hoteli “Grand”, Prishtinë, saktësisht në fillim të udhëkryqit që lidhet me Rrugën George W. Bush, ora 11:00 – 11:30)

KIPRED prezanton punimin e politikave me temë “Marrëdhëniet ndëretnike dhe pajtimi në Kosovë: narrativat politike dhe mediatike në perspektivë”. (Hotel “Sirius” Prishtinë, ora 13:30-15:00)