Mbahet Samiti i Paqes dhe Demokracisë në Kosovë (KPDS) me temën “Çrregullim i ri botëror: dezinformim, mosbesim dhe shkatërrimi i normave demokratike”. (Hotel “Emerald”, Prishtinë, ora 09:00)
Këshilli Gjyqësor i Kosovës (KGJK) do të mbajë mbledhjen e 356-të. (Salla e takimeve të Këshillit Gjyqësor të Kosovës, Prishtinë, ora 09:00)
Në kuadër të “Java për të drejtat e viktimave” dhe “16 ditët kundër dhunës në familje”, Prokuroria Themelore në Pejë bashkë me Zyrën për Mbrojtjen e viktimave në mbështetjen të OSCE, organizojnë tryezë me temën e diskutimit: “Dhuna ndaj viktimave të ndjeshme, të moshuar dhe të mitur”. (Hotel “Dukagjini” në Pejë, ora 10:00)
Artpolis, në bashkëpunim me Universitetin e Prishtinës “Hasan Prishtina”, Parlamentin Studentor dhe me përkrahje të UNFPA-së, nis Fushatën Ndërkombëtare “16 Ditët e Aktivizmit Kundër Dhunës me Bazë Gjinore” përmes një iniciative informuese të dedikuar studentëve dhe komunitetit universitar.( Fakultetin Filozofik, UP, ora 10:00)
Ministria e Mjedisit, Planifikimit Hapësinor dhe Infrastrukturës bënë përurimin e barrierave akustike në autostradën R7 ‘Dr. Ibrahim Rugova’. (Ora 11:00)
Iniciativa Studentore “Fehmi Agani” organizon protestë paqësore “kundër padrejtësive që po ndodhin në Hagë”, për mbrojtjen e identitetit dhe të drejtave të krerëve të Ushtrisë Çlirimtare. (Nisja bëhet para konvikteve të Gjakovës, ora 11:00)
Ministria e Drejtësisë nis fushatën “16 Ditët e Aktivizmit Kundër Dhunës me Bazë Gjinore”. (Mensa “Ramiz Sadiku”, në Prishtinë, ora 19:00)
Burimi: botasot.info
