Në nivel vendi, nesër zhvillohet proces zgjedhor për Kuvendin e Republikës së Kosovës.
Numri i shtetasve të Kosovës me të drejtë vote në këtë proces është 2,076,290 votues.
Nga ky numër, brenda territorit të Republikës së Kosovës të drejt vote kanë 1 milion e 999 mijë e 204 banorë, teksa jashtë Kosovës u regjistruan 77 mijë e 86 shtetas të Republikës.
Shumica e këtyre të fundit ushtruan sot të drejtën e votën në Ambasada dhe Konsullata të Kosovës në botë.
Ndërkaq, nesër në ditën “D”, më së shumti votues do të ketë në Prishtinë: 219,516 sosh..
Në 38 komunat e vendit janë gjithsej 910 qendra për votim të rregullt, teksa në secilën prej tyre gjendet nga një për votim me kusht.
Sipas KQZ-së, votimi me kusht është i mundur për votuesin në cilëndo komunë, pasi Kosova është një zonë e vetme zgjedhore dhe në çdo komunë shpërndahen fletëvotimet me përmbajtjen e njëjtë.
“KQZ mundëson votimin me kusht për votuesit të cilët kanë emrin e tyre në listën votuese, por për arsye objektive nuk mund të votojnë në vendvotimin e caktuar” deklaron KQZ-ja.
Paraprakisht, të gjithë qytetarët duhet të sigurohen që, në mënyrë që të ushtrojnë të drejtën e votës, duhet të posedojnë njërin prej dokumenteve identifikuese të Republikës së Kosovës: pasaportë, letërnjoftim, patent shofer.
Cilido dokument që do të shfrytëzohet për të votuar duhet të ketë afat përdorimi.
Burimi: botasot.info
