Të vendosësh të ndash jetën me dikë nuk është kurrë një hap i lehtë. Në një moment, të gjithë pyesim veten: a kam zgjedhur njeriun e duhur? Thuhet shpesh se “kur e di, e di” dhe për shumë njerëz, kjo është e vërtetë. Kur ndihesh i qetë pranë dikujt, kur besimi është i plotë dhe ndihesh vetvetja, atëherë e kupton se je aty ku duhet.
Një burrë nuk martohet me një grua vetëm sepse e dashuron apo sepse e tërheq fizikisht. Janë zakonet e saj të përditshme, mënyra si sillet, si kujdeset, si komunikon, ato që e bëjnë të ndihet me fat. Pikërisht këto veprime të vogla, të përsëritura çdo ditë, e bëjnë një martesë të ndihet si fitore.
Ja 11 zakone të vlefshme që tregojnë se ke fituar lotarinë e martesës:
1. Ajo mban në këmbë shtëpinë
Martesa është një “punë” më vete. Balancimi i jetës familjare, punës, fëmijëve dhe përditshmërisë kërkon përpjekje të vazhdueshme. Kur një grua arrin ta mbajë gjithçka në kontroll pa e kthyer në dramë të përditshme, kjo është një aftësi e rrallë. Jo sepse duhet ta bëjë e vetme, por sepse e menaxhon me zgjuarsi.
2. Të mbështet çdo ditë
Mbështetja emocionale është themeli i çdo martese të shëndetshme. Një grua që të qëndron pranë, që të dëgjon, të inkurajon dhe të respekton, të bën të ndihesh i fortë edhe në ditët më të vështira.
3. Bën gjëra pa ia kërkuar
Në kaosin e përditshëm, detajet e vogla shpesh harrohen. Kur bashkëshortja jote merr nisma, ndihmon pa e lutur dhe kujdeset pa e kthyer në listë ankesash, kjo tregon dashuri të sinqertë dhe përkushtim.
4. Të shkruan dhe të pyet gjatë ditës
Komunikimi nuk ndodh vetëm në mbrëmje. Një mesazh i vogël, një pyetje e thjeshtë, një fjalë inkurajuese gjatë ditës tregojnë se je gjithmonë në mendjen e saj.
5. Vlerëson gjërat e vogla
Nuk janë gjestet e mëdha që e mbajnë gjallë një martesë, por ato të voglat: një kafe e përgatitur siç të pëlqen, një shaka në momentin e duhur, një përqafim pa arsye. Një grua që i vlerëson këto, di të ndërtojë lumturi të qëndrueshme.
6. Shpreh mendimin e saj
Të flasësh hapur nuk është gjithmonë e lehtë. Por një grua që di të thotë çfarë ndien dhe çfarë mendon, pa lojëra apo heshtje ndëshkuese, e bën marrëdhënien më të ndershme dhe më të shëndetshme.
7. Pranon kur gabon
Të kërkosh falje kërkon pjekuri emocionale. Një grua që nuk e lë krenarinë të dëmtojë marrëdhënien dhe di të pranojë gabimet e saj – gjë që rrallë ndodh – tregon forcën e saj.
8. Mbetet vetvetja
Martesa nuk duhet të fshijë individualitetin. Një grua që ruan identitetin e saj, interesat, pasionet dhe zërin personal, sjell freski dhe ekuilibër në çift. Ajo nuk humbet veten për t’u përshtatur.
9. Respekton kufijtë
Dashuria nuk do të thotë të jesh i disponueshëm çdo sekondë. Kufijtë janë të shëndetshëm. Një grua që i kupton dhe i respekton, si të sajat ashtu edhe të partnerit, ndërton një marrëdhënie me respekt dhe siguri.
10. Dëgjon vërtet
Jo thjesht për të kthyer përgjigje, por të kuptojë. Dëgjimi aktiv është një nga format më të forta të dashurisë. Tregon se ajo e merr seriozisht atë që ndjen dhe mendon partneri i saj.
11. Kërkon ndihmë kur ka nevojë
Askush nuk është i fortë gjithë kohën. Një grua që di të kërkojë ndihmë, që shpreh nevojat e saj dhe nuk pret që t’i lexojnë mendjen, ndërton komunikim të qartë dhe shmang keqkuptimet.
Burimi: botasot.info
