Aktivizimi i nenit 5 pas sulmeve të 11 shtatorit 2001 mbetet rasti i vetëm në historinë e NATO-s që diçka e tillë ndodh. Sekretari i Përgjithshëm, Mark Rutte, tha se ai vendim pati dëshmuar solidaritetin që qëndron në zemër të Aleancës.
Neni 5 përcakton se një sulm ndaj një vendi anëtar konsiderohet sulm ndaj të gjithë aleatëve.
Rutte e kujtoi zbatimin e tij në vitin 2001, gjatë një aktiviteti në Nju Jork, që u lidh me 25-vjetorin e sulmeve ndaj Shteteve të Bashkuara.
“Ne mbetemi të bashkuar në vendosmërinë tonë për të mbrojtur lirinë, për t’u mbrojtur nga agresioni dhe për të siguruar që një sulm si ai i 11 shtatorit të mos ndodhë më kurrë”, tha ai, thuhet në një njoftim të NATO-s.
Aleanca ka bërë të ditur që sekretari i saj i përgjithshëm, Rutte qëndroi në Nju Jork më 23 dhe 24 shtator për Asamblenë e Përgjithshme të OKB-së. Atje u takua me presidentin ukrainas Volodymyr Zelenskyy, ministrin e Jashtëm polak Radosłaë Sikorski dhe Princin e Kurorës së Kuvajtit, Sabah Al-Khalid Al-Sabah.
Burimi: botasot.info
