Në kujtim të Ozzy Osbourne, djali i tij Jack mirëpret vajzën e pestë!

Jack Osbourne është bërë baba i pesë vajzave! Ditën e djeshme, 40-vjeçari njoftoi se ai dhe bashkëshortja e tij, Aree, kanë mirëpritur së fundmi një vajzë.

Në postimin e tij në Instagram, Jack tregoi se ata e kanë emëruar të bijën e porsalindur pas babait të tij të ndjerë, Ozzy Osbourne. “Ju prezantoj Ozzy Matilda Osbourne,” shkroi Jack, duke ndarë një video bardh e zi ku vogëlushja flinte në një krevat dhe pranë saj ishte një arush i vogël në formën e lakuriqit të natës. Një referencë me gjestin famëkeq të vitit 1982, kur Ozzy Osbourne i kafshoi kokën një lakuriqi nate gjatë një koncerti të Black Sabbath.

Jack gjithashtu tregoi se Ozzy Matilda lindi më 5 mars në orën 8:49, duke peshuar 3.5 kg dhe duke qenë rreth 48 cm e gjatë.

Përveç vogëlushes së re, Jack dhe Aree të cilët u martuan në shtator 2023 janë prindër edhe të vajzës 3-vjeçare Maple. Jack gjithashtu ka vajza të tjera: Pearl, 13, Andy, 10, dhe Minnie, 8, nga martesa e tij e mëparshme me Lisa Stelly.

Ozzy Osbourne, këngëtari i njohur i Black Sabbath, vdiq në korrik 2025, vetëm 17 ditë pas koncertit të tij të fundit, në moshën 76-vjeçare. Jack kishte njoftuar publikisht në dhjetor se Aree ishte shtatzënë dhe se Ozzy e dinte për ardhjen e bebit para se të ndërronte jetë.