Në kërkim për armëmbajtje pa leje dhe prishje të qetësisë publike, pranga 50-vjeçarit në Durrës

Uniformat blu bëjnë me dije se është vënë në pranga shtetasi Nerim alias Ardit Mexhit Taci alias Klosi, 50 vjeç, banues në Gjormë, Kurbin. Arrestimi i tij u bë në qytetin e Durrësit.

Gjykata e Rrethit Gjyqësor Mat i ka caktuar masën e sigurisë “Arrest në burg”, për veprat penale “Mbajtja pa leje e armëve, armëve shpërthyese dhe municionit” dhe “Prishja e qetësisë publike”.

Njoftimi i policisë:

Kapet 1 shtetas i shpallur në kërkim për armëmbajtje pa leje dhe prishje të qetësisë publike.

Shërbimet e Komisariatit të Policisë Durrës, në vijim të punës për kapjen e shtetasve të shpallur në kërkim, bazuar në informacione të siguruara në rrugë operative, bënë të mundur kapjen e shtetasit:

N. T. alias A. K., 50 vjeç, banues në Gjormë, Kurbin.

Ky shtetas ishte shpallur në kërkim kombëtar, pasi në vitin 2022, Gjykata e Rrethit Gjyqësor Mat i ka caktuar masën e sigurisë “Arrest në burg”, për veprat penale “Mbajtja pa leje e armëve, armëve shpërthyese dhe municionit” dhe “Prishja e qetësisë publike”.

Veprimet e tjera procedurale për këtë shtetas do të kryhen nga Komisariati i Policisë Mat.

Materialet procedurale iu referuan Prokurorisë, për veprime të mëtejshme.

Top Channel