Policia e Shtetit në Gramsh ka arrestuar shtetasin F. S., 26-vjeç dhe referuan materialet në prokurori për procedimin penal ndaj shtetasit R. S. (70), babai i F. S., pasi kishin ndezur një zjarr në Bersnik të Poshtëm, që dogji një sipërfaqe pyjore dhe rrezikoi banesat përreth.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale shkatërrimi me zjarr i pyjeve dhe i mjedisit pyjor, raporton KosovaPress.
Drejtoria Vendore e Policisë Elbasan apelon për të gjithë qytetarët që në asnjë rast të mos ndezin zjarre, pasi do të përballen me ligjin.
Gjithashtu, fton qytetarët të denoncojnë në numrin 112, çdo rast të kësaj veprimtarie kriminale dhe të pa ligjshmërive, dhe iu garanton anonimat, reagim të shpejtë dhe të paanshëm.
Burimi: botasot.info
