Shoqata Kombëtare e Shtypit në Venezuelë (SNTP) ka njoftuar se mbi një duzinë punonjës mediash u ndaluan të hënën në kryeqytetin Karakas, ndërsa mbulonin marshimin në mbështetje të ish‑presidentit Nicolás Maduro dhe ceremoninë e betimit të legjislaturës së re.
Sipas SNTP, u ndaluan gjithsej 14 gazetarë, por më vonë u liruan. Ndërkohë njëri prej tyre, një reporter i huaj, u deportua. Reuters shkruajn se mes të ndaluarve ishin 11 punonjës të mediave ndërkombëtare dhe një i një mediaje kombëtare.
Ministria e Informacionit dhe Ministria e Komunikimeve të Venezuelës nuk kanë dhënë ende një reagim zyrtar për ngjarjen. Edhe agjencitë ndërkombëtare të lajmeve si Associated Press, AFP dhe CNN nuk kanë komentuar.
Ndalimet e gazetarëve vijnë vetëm pak ditë pas operacionit të ushtrisë amerikane që çoi në arrestimin e Maduros. Të hënën, ish‑lideri u deklarua i pafajshëm për akuzat e narkoterrorizmit në një gjykatë në Nju Jork.
Burimi: botasot.info
