Bota e televizionit britanik është në zi pas ndarjes nga jeta të aktorit të njohur Tony Adams, i cili u shua në moshën 84-vjeçare. Lajmin e hidhur e kanë konfirmuar familjarët dhe përfaqësuesit e tij, ndërsa fansat dhe kolegët e kanë përkujtuar si një figurë “të mrekullueshme, karizmatike dhe plot humor”.
Tony Adams u bë i famshëm me rolin e Adam Chance në serialin klasik “Crossroads”, që u transmetua për dekada në ITV dhe u bë një nga telenovelat më të dashura në Mbretërinë e Bashkuar.
Ai u shfaq për herë të parë në seri në vitin 1978 dhe mbeti një prej figurave më të njohura të ekranit britanik deri në fund të viteve ’80.
Pas karrierës në “Crossroads”, Adams luajti edhe në disa produksione televizive të tjera si General Hospital, Doctors dhe Casualty, duke fituar respektin e publikut për profesionalizmin dhe sharmin e tij natyral.
Burimi: botasot.info
