Tensionet mes Rusisë dhe Perëndimit janë rritur ndjeshëm pas deklaratave të fundit nga zëdhënësi i Kremlinit, Dmitry Peskov, i cili akuzoi hapur aleancën ushtarake të NATO-s për përfshirje direkte në konfliktin në Ukrainë.
Sipas agjencisë shtetërore ruse TASS, Peskov deklaroi: “NATO është de facto e përfshirë në konflikt. Ajo është në luftë me Rusinë. Kjo është e qartë dhe nuk kërkon prova të mëtejshme.”
Deklarata vjen në një kohë kur vendet perëndimore po rrisin ndihmën ushtarake dhe financiare për Ukrainën, ndërsa Rusia vazhdon të përballet me presion të madh në disa fronte.
Moska ka kritikuar vazhdimisht dërgesat e armëve dhe mbështetjen e NATO-s ndaj Ukrainës, duke i konsideruar ato si ndërhyrje të drejtpërdrejta në luftë. Megjithatë, kjo është një nga deklaratat më të forta të bëra publikisht nga një zyrtar i lartë rus deri më tani.
Peskov nuk dha detaje të tjera mbi pasojat që mund të ketë kjo “përfshirje de facto”, por retorika e tij sinjalizon një tjetër përshkallëzim verbal të konfliktit mes Rusisë dhe Perëndimit.
Top Channel
Burimi: top channel
