Çmimet e naftës në bursa janë stabilizuar .Tashmë një fuci naftë po tregtohet nën 100 dollarë ndërsa investitorët janë optimist se konflikti në Lindjen e Mesme mund të jetë drejt fundit pasi një armëpushim 10-ditor midis Libanit dhe Izraelit hyri në fuqi dhe Presidenti Donald Trump tha se SHBA-të dhe Irani mund të takohen për bisedime në fundjavë.
Kontratat e ardhshme të naftës së papërpunuar Brent ranë me 61 cent, duke u shitur me më pak se 98 dollarë për fuçi.
Një pike kyçe ngërçi në bisedimet për t’i dhënë fund luftës me Iranin,është Ngushtica e Hormuzit që ka mbetur e bllokuar për shtatë javë dhe ka penguar afërsisht një të pestën e furnizimit botëror me naftë.
Çmimet e naftës u rritën me 50% në mars në një periudhë rekord dhe vetëm kohët e fundit kanë rënë nën nivelin 100 dollarë për fuçi, por kanë qëndruar brenda intervalit 90 dollarë për këtë javë.
Analistët vlerësojnë se afërsisht 13 milionë fuçi nafte në ditë janë ndërprerë nga mbyllja e Ngushticës.
Ndërkohë, Ngushtica e Hormuzit mbetet praktikisht e mbyllur për shkak të një bllokade të dyfishtë nga SHBA-ja dhe Irani, duke i mbajtur tregjet në ankth për ndërprerje të mëtejshme të rrjedhave globale të energjisë.
Ndërkohë, Drejtori Ekzekutiv i FMN-së Fatih Birol paralajmëroi se rivendosja e një pjese të konsiderueshme të prodhimit të ndërprerë të naftës dhe gazit mund të zgjasë deri në dy vjet.
Burimi: opinion.al
