Ministri për Çështje Evropiane, Orhan Murtezani, sot mori pjesë në seancën konstituive të Këshillit për monitorimin e reformave në gjyqësor.
Murtezani theksoi se kjo seancë nuk është vetëm formalitet, por garancë se reformat do të maten përmes rezultateve konkrete, e jo vetëm përmes dokumenteve.
“Reformat në sistemin gjyqësor janë themeli i procesit të integrimit tonë evropian. Pa gjyqësor të pavarur dhe të drejtë, nuk ka përparim drejt Unionit Evropian”, tha ministri.
Ai shtoi se qëllimi kryesor është ndërtimi i një sistemi gjyqësor profesional, të pavarur dhe të qasshëm për të gjithë qytetarët. “Përmes këtij Këshilli, po e përshpejtojmë ritmin e reformave dhe po ndërtojmë sistem i cili do ta rikthejë besimin në drejtësi”, theksoi Murtezani.
Burimi: fol.mk
