Me propozim të Ministrisë për Çështje Evropiane dhe aktorëve përkatës, Qeveria e Maqedonisë së Veriut ka miratuar Propozim-Ligjin për Shkollat e Mesme të Komuniteteve Fetare, i cili njeh në mënyrë të barabartë diplomat e medresesë me ato të shkollave të tjera të mesme në vend.
Ministri Orhan Murtezani e vlerësoi vendimin si një hap të rëndësishëm drejt barazisë arsimore dhe respektimit të të drejtave të besimtarëve: “Dita e sotme është ditë e madhe për besimtarët në vendin tonë, ditë e madhe për medresenë!”
Ky ligj u jep të diplomuarve nga shkollat fetare mundësi të barabarta për të vazhduar arsimin e lartë dhe për t’u integruar në tregun e punës, duke njohur kontributin e institucioneve fetare në fushën e arsimit dhe formimit të të rinjve.
Burimi: alfax.mk
