Murati: Gjykata Kushtetuese konfirmon kushtetutshmërinë e Ligjit për Pensionet Kontributive Parciale

Ministri në detyrë i Financave, Hekuran Murati, ka njoftuar se Gjykata Kushtetuese ka vlerësuar si në përputhje me Kushtetutën ndryshimin dhe plotësimin e Ligjit për Skemat Pensionale, të miratuar nga Qeveria në vitin 2023.

Ky ligj kishte shtuar skemën e Pensionit Kontributiv Parcial për personat e larguar dhunshëm nga puna gjatë viteve ’90.

Sipas Muratit, kjo është hera e tretë që Gjykata Kushtetuese konfirmon kushtetutshmërinë e reformave ligjore të Qeverisë, pas Ligjit për Pagën Minimale dhe Ligjit për Tatimin në Pronë – të dyja të kontestuara nga opozita.

Postimi i plotë

Gjykata Kushtetuese ka gjetur se ndryshim/plotësimi i Ligjit për Skemat Pensionale të Financuara nga Shteti i bërë nga Qeveria në vitin 2023, i cili kishte shtuar skemën e Pensionit Kontributiv Parcial për personat e larguar dhunshëm nga puna gjatë viteve 90-ta, është në përputhje me Kushtetuën.

Ky është rasti i tretë i konfirmimit të kushtetutshmërisë, pas Ligjit për Pagën Minimale, dhe Ligjit për Tatimin në Pronë, ligje këto gjithashtu të kontestuara nga opozita.