Kryetari i Suharekës, Bali Muharremaj e ka vlerësuar të mirë bashkëpunimin me Qeverinë Kurti.
Ai ka thënë se përveç sfidës me kontratën kolektive, që sipas tij janë përballë gjitha komunat, ka thënë se nuk ka ankesa.
Muharremaj ka thënë se vetëm për këtë kanë 16 milionë euro investime.
“Unë e respektoj institucionin e Republikës së Kosovës, kushdo që bëhet kryeministër dhe ministra i respektoj, sepse kanë dalë prej një organi shumë të lartë. Kam pas bashkëpunim shumë të mirë dhe kam marrë investime në Komunën e Suharekës, nuk ankohem. Përveç sfidës së Kontratës Kolektive që ka qenë për gjitha komunat, nuk mundem mu ankua, pasi që diku vetëm këtë vit kemi diku 16 milionë euro që jemi duke punuar në investime, stadiumi i qytetit, rruga që shkon për Brezovicë, një rrugë që shkon në viset malore, një rrugë që shkon për Bllacë një për Peçan”, ka thënë ai në emisionin “Këndi i Debati” në Tëvë1.
Megjithatë ai ka dhënë kritika për ministrin në detyrë të Financave, Hekuran Murati, për të cilin ka thënë se nuk ka qenë bashkëpunues. Madje siç ka thënë ai, Murati nuk përgjigjet as në telefon dhe nuk kthen as imellat zyrtare.
Burimi: botasot.info
