MPB: 69 vjeçarit nga Pallçishti i Tetovës i është dëmtuar vetura nga një “plumb qorr”

Nga Sektori për Punë të Brendshme në Tetovë njoftojnë se një qytetar ka raportuar se vetura e tij është dëmtuar nga një plumb qorr.

Nga SPB-Tetovë thonë se po hetohet rasti.

“Më 24.07.2025 në SPB Tetovë, N.R.(69) nga fshati Pallçisht i Poshtëm i Tetovës, ka denoncuar se rreth orës 21:00 kishte vërejtur se çatia e garazhit dhe xhami i pasmë i automjetit të tij të tipit “Suzuki” me targa të Tetovës ishin dëmtuar nga një plumb i pa orientuar.

Në automjet është gjetur gëzhoja, ndërsa ekspertizën e ka kryer ekipi nga SPB Tetovë”, thonë nga SPB-Tetovë.