Mbi vendin gjatë dy ditëve të fundit të kësaj jave pritet të mbajë mot me diell dhe vranësira të pakta.
Temperaturat minimale nesër do të lëvizin ndërmjet tetë deri në njëmbëdhjetë gradë Celsius, ndërsa ato maksimale njëzeteshtatë deri në tridhjetë gradë Celsius.
Do të fryjë erë kryesisht nga drejtimi veriperëndimor, me shpejtësi prej një deri në katër metra për sekondë.
Të dielën moti do të jetë me diell dhe pjesërisht i vranët. Vranësirat vende-vende mund të sjellin riga lokale shiu.
Temperaturat minimale do të sillen ndërmjet dhjetë deri në trembëdhjetë gradë Celsius, ndërsa ato maksimale njëzetenëntë deri në tridhjetetre gradë Celsius.
Do të fryjë erë nga veriperëndimi, me shpejtësi prej një deri në gjashtë metra për sekondë.
Indeksi i rrezeve ultraviolet do të jetë i lartë, andaj këshillohet të respektohen këshillat e Institutit Kombëtar të Shëndetit Publik, thuhet në raportin e parashikimit të motit nga Instituti Hidrometeorologjik i Kosovës.
Burimi: botasot.info
