Moti i vranët dhe me reshje shiu

Instituti Hidrometeorologjik i Kosovës (IHMK) ka publikuar parashikimin e motit për ditën e sotme, duke bërë të ditur se vendi do të përfshihet nga kushte të paqëndrueshme atmosferike.

Sipas njoftimit të IHMK-së, moti do të jetë kryesisht i vranët, i shoqëruar me riga të herëpashershme shiu.

Temperaturat do të shënojnë një rënie të lehtë krahasuar me ditët e mëparshme, me vlera minimale që do të lëvizin ndërmjet 3 dhe 6°C, ndërsa ato maksimale pritet të arrijnë deri në 9°C.

Era do të fryjë nga drejtimi i veriperëndimit me një shpejtësi prej 1 deri në 5 metra për sekondë, duke sjellë një ndjesi më të freskët në gjithë territorin.