Ministria e Bujqësisë, Pylltarisë dhe Zhvillimit Rural ka njoftuar se Ministri i Bujqësisë i Republikës së Shqipërisë, Andis Salla, ka mbërritur sot në Prishtinë për një vizitë zyrtare dyditore në Republika e Kosovës.
Gjatë qëndrimit të tij, ministri shqiptar do të pritet nga homologu kosovar, Armend Muja, me të cilin do të zhvillojë takime të nivelit të lartë. Vizita synon thellimin e bashkëpunimit ndërmjet dy vendeve në sektorin e bujqësisë dhe zhvillimit rural, me theks të veçantë në forcimin e sigurisë ushqimore, lehtësimin e tregtisë dhe eliminimin e barrierave administrative.
Sipas njoftimit zyrtar, në kuadër të kësaj vizite do të diskutohen edhe çështje të tjera me interes të përbashkët për zhvillimin e sektorit bujqësor në të dy vendet.
Njoftimi:
Ju njoftojmë se Ministri i Bujqësisë, Pylltarisë dhe Zhvillimit Rural i Republikës së Shqipërisë, z. Andis Salla, ka arritur sot në Prishtinë për një vizitë zyrtare dyditore në Republikën e Kosovës.
Gjatë kësaj vizite, ai do të pritet nga Ministri i Bujqësisë, Pylltarisë dhe Zhvillimit Rural i Republikës së Kosovës, z. Armend Muja.
Vizita realizohet në kuadër të rritjes së bashkëpunimit dhe forcimit të sigurisë ushqimore, lehtësimit të tregtisë dhe eliminimit të barrierave administrative, si dhe trajtimit të çështjeve të tjera me interes të përbashkët në sektorin e bujqësisë dhe zhvillimit rural.
Për më shumë detaje rreth agjendës, kohës dhe vendit të mbajtjes së aktiviteteve, ju lutem referojuni agjendës së mëposhtme.
————————————————
Agjenda e vizitës zyrtare të Ministrit të Bujqësisë dhe Zhvillimit Rural të Republikës së Shqipërisë, Andis Salla
E Enjte, 02.04.2026
Arritja në Prishtinë e Ministrit, z. Andis Salla
E premte, 03.04.2026
09:30 – 09:35 | Pritje Zyrtare
Vendi: Holli i Ministrisë (rr. Ukshin Hoti, Kompleksi Ramiz Sadiku, kati 0)
09:35 – 10:00 | Takim bilateral
Vendi: Kabineti i Ministrit (kati IV)
10:00 – 11:20 | Takim pune ndërmjet delegacioneve
Vendi: Salla e Mbledhjeve / Kabineti i Ministrit
11:30 – 11:45 | Deklaratë e përbashkët për media
Vendi: Holli i Ministrisë
Ftohen mediat të marrin pjesë dhe ta përcjellin konferencën.
Burimi: botasot.info
