Ministri i Drejtësisë Besfort Lamallari priti sot në një takim kreun e SPAK, Altin Dumani.
Në postimin e ndarë në rrjete sociale ku bën me dije takimin, Lamallari thotë se ndau me kryeprokurorin prioritetet e qeverisë për 4 vitet e ardhshme.
Sipas tij, Shteti i së Drejtës është themeli për Shqipërinë Evropiane.
Postimi:
Mirëprita sot në një takim drejtuesin e Strukturës së Posaçme Kundër Korrupsionit dhe Krimit të Organizuar Z. Altin Dumani.
Ndava me të prioritetet e Ministrisë së Drejtësisë si pjesë e Programit Qeverisës 2025-2029, në përputhje të plotë dhe me detyrimet e ndërmarra në kuadër të negociatave me Bashkimin Evropian. Shteti i së Drejtës është themeli i Shqipërisë Evropiane.
Konsolidimi i pavarësisë së gjyqësorit dhe vijimi i mbështetjes për Reformën në Drejtësi mbeten prioritet absolut i qeverisë shqiptare!
Burimi: botasot.info
