Aktorja e njohur britanike Millie Bobby Brown u shfaq plot shkëlqim në premierën në Los Anxhelos të sezonit të pestë dhe të fundit të serialit ikonik “Stranger Things”, duke ndarë emocionet e saj për mbylljen e një dekade që i ndryshoi jetën.
Pas lajmeve për mosmarrëveshje mes saj dhe aktorit David Harbour, dyshja vendosi të shuajë çdo thashethem me një paraqitje të përbashkët në tapetin e kuq, duke u përqafuar e buzëqeshur para kamerave.
“Ka qenë e mrekullueshme. Jemi me fat që kemi njëri-tjetrin,” – tha Millie. – “Ky serial ka një domethënie të madhe për ne të dy dhe për të gjithë këtu.”
Aktorja shtoi se përfundimi i serialit është një moment i ngarkuar emocionalisht për të gjithë ekipin:
“Kanë qenë dhjetë vitet e fundit të jetës sonë. I kemi kushtuar aq shumë këtij projekti dhe mezi presim që publiku të shohë gjithçka në ekran.”
Në moshën 21-vjeçare, Millie u kthye pas në kohë, duke kujtuar fillimet e saj si vajzë 10-vjeçare në setin e “Stranger Things”:
“Kam jetuar çdo ditë sikur të ishte dita e parë e xhirimeve, dhe ndoshta kjo është arsyeja pse jam përpjekur të ruaj çdo moment me gjithë shpirt. Por, shumë gjëra kanë ndryshuar,” – rrëfeu ajo me një buzëqeshje.
Brown, e cila u martua me Jake Bongiovi në vitin 2024 dhe së fundmi ka adoptuar një vajzë të vogël, tregoi me krenari unazën e martesës teksa përsëriti: “Shumë gjëra kanë ndryshuar.”
Sezoni i pestë i “Stranger Things”, vëllimi i parë, do të publikohet më 26 nëntor në Netflix, duke i dhënë fund një epoke që ka bërë histori në televizionin modern.
Burimi: botasot.info
