Mickoski: Pas një viti nga paralajmërimi, po realizohet investimi më i madh prej gjysmë miliardë dollarësh, i cili do të prodhojë një teravat energji elektrike

50

Shtip, 16 korrik – Një vit pas njoftimit për ndërtimin e parkut më të madh të energjisë me erë në vend, sot në afërsi të fshatit Luboten në Shtip u vendos gurthemeli për ndërtimin e mullirit të parë me erë. Kryeministri Hristijan Mickoski në fjalimin e tij theksoi se pas pak më shumë se një viti, ajo që premtuan atëherë së bashku me kompaninë dhe investitorin, tani po arrin në fund të fazës së parë.

“Ishte praktikisht dita e dytë pas zgjedhjes së Qeverisë së re të asaj kohe kur, së bashku me Danielin dhe bashkëpunëtorët e tij, paralajmëruam një investim në energjinë e rinovueshme me vlerë gjysmë miliardi dollarë, i cili do të prodhojë afërsisht 1TW energji elektrike në vit dhe se do të jetë një investim që praktikisht do të jetë një nxitës dhe një model për mënyrën se si duhet të ecim në të ardhmen”, tha kryeministri Mickoski.

Ai theksoi se i tillë ishte fillimi, ndërsa fundi i vitit ishte historik për ne si shtet, sepse siç tha, për herë të parë e tejkaluam numrin prej një miliard euro investime të huaja direkte.

“Arritëm një shifër prej 1.255.000.000 eurosh në investime të huaja direkte në atë vit 2024, që ishte një surprizë e këndshme për ne, por edhe konfirmim se po ecim në drejtimin e duhur, dhe ky ishte një nga ata tregues fillestarë, sepse gjërat nuk vijnë menjëherë dhe nuk vijnë shpejt. Këtë vit punuam së bashku me ‘Alkazar Enerxhi’ për ta mbajtur këtë aktivitet në fund të qershorit, gjë që po e bëjmë sot më 16 korrik”, bëri të ditur Mickoski.

Kryeministri, Mickoski theksoi se kur u takua me Danielin, i kërkova ndjesë sepse ishim tre javë me vonesë, “por mendoj se vonesa këtu është e ndërsjellë dhe siç tha Danieli në fjalimin e tij, disiplina është gjithmonë më e rëndësishmja”.

“Nëse nuk ka disiplinë dhe një strukturë të qartë për një projekt, nuk ka asgjë. Atëherë gjithçka që po ndërtoni do të fillojë të shembet dhe në fund nuk do të arrini qëllimin e dëshiruar, dhe qëllimi ynë i dëshiruar ishte gurthemeli i sotëm. Kemi shumë ide të tjera se si ky investim mund të shtojë vlerë edhe më të madhe dhe të jetë edhe më domethënës, si për kompaninë investitore ashtu edhe për ne si vend, por këtë do ta diskutojmë në një fazë të ardhshme”, shtoi Mickoski.

Në fjalimin e tij në fillim të ndërtimit të parkut me erë, i cili do të jetë më i madhi në Ballkanin Perëndimor dhe shtrihet në territorin e komunave Shtip, Radovish dhe Karbinci, ai theksoi se Qeveria është seriozisht e përkushtuar ndaj ekonomisë, sepse beson fuqimisht se si vend kemi potencial të madh dhe se potenciali që kemi si Qeveri dhe potenciali njerëzor që ka vendi mund të na çojë me hapa gjigantë përpara, dhe ne po e bëjmë këtë, dhe këto janë treguesit fillestarë për këtë vit.

“Për ne, rezultatet dhe treguesit në fillim të këtij viti, tremujorit të parë, pesë muajve të parë, dhe do të thoja dy tremujorët e parë, pra gjysmën e parë të vitit, janë gjigante, ndryshe nga hapat prapa gjatë shtatë viteve të fundit, ne po bëjmë hapa gjigantë përpara, tha Mickoski.