Kryetari i komunës së Çairit, Izet Mexhiti, në ditën e parë të vitit 2026 në gjinekologjinë në Çair, ka vizituar dy foshnjat e para të lindura këtë vit.
“Në minutat e para të vitit 2026, në Çair erdhën në jetë dy vajza. Një fillim që solli jetë dhe gëzim.
Për këtë ardhje të veçantë, nënës dhe vajzave iu dhuruam ar dhe lule. Ar, si urim për vlerë dhe fat të mirë në çdo hap të jetës. Lule, si dëshirë për një rrugë të mbushur me butësi, ngjyra dhe dashuri. Këto dhurata janë një përshëndetje e vogël, por me kuptim të madh, për dy jetë që e hapën vitin e ri me buzëqeshje dhe shpresë, për shtëpinë dhe komunën tonë.
Mirë se erdhët në jetë. U rritshi me shëndet, dashuri dhe fat”, ka shkruar Mexhiti.