Kryetari i Komunës së Çair, Izet Mexhiti, njëherësh njëri nga liderët e koalicionit qeverisës VLEN, ka njoftuar për përfundimin e asfaltimit në rrugën “Metodija Mitevski”, projekt që përfshiu edhe rregullimin dhe standardizimin paraprak të trotuareve.
Sipas Mexhitit, investimi paraqet një hap të rëndësishëm drejt përmirësimit të infrastrukturës rrugore dhe rritjes së sigurisë për këmbësorët dhe shoferët. Ai theksoi se punimet do të vazhdojnë me vendosjen e ndriçimit publik si fazë përfundimtare, duke e bërë zonën më të sigurt dhe më funksionale për banorët.
Kreu i Çairit Izet Mexhiti bëri të ditur se dinamika e punës do të vijojë edhe në rrugë të tjera të parapara në kuadër të projekteve infrastrukturore për komunën, duke nënvizuar se në Çair po realizohen investime konkrete dhe standarde që qytetarët i meritojnë.
