Zëvendëskryeministri i parë dhe ministër i Ambientit Jetësor, Izet Mexhiti, i është përgjigjur një pyetjeje të gazetarëve lidhur me deklaratën e para disa ditëve të liderit të BDI-së, Ali Ahmeti për “estetikën” e Çairit.
Mexhiti ka dhënë një përgjigje ironike dhe thumbuese, duke e kthyer vëmendjen tek mungesa e kanalizimit në fshatin e lindjes së liderit të BDI-së, Ali Ahmeti.
“Zajazin do e bëjmë me kanalizim, 14 milion euro janë ndarë nga ministria e Ambientit Jetësor që Zajazin e Ali Ahmetit ta bëjmë me kanalizim, tash pas 20 viteve. Kur ta kryejmë atë, do të flasim për estetikë”, tha Mexhiti.
Deklarata e tij është një goditje e drejtpërdrejtë ndaj Ahmetit, duke i kujtuar se ende pas dy dekadash sa ishte në pushtet, fshati i tij i lindjes përballet me probleme elementare infrastrukturore.
