Zëvendëskryeministri i parë dhe ministër i Ambientit Jetësor, Izet Mexhiti, ka reaguar ashpër ndaj akuzave të opozitës shqiptare, e cila pretendon se VLEN është pjesë e një qeverie monoetnike dhe që nuk mund të siguroj badenter.
Në një prononcim të drejtpërdrejtë, Mexhiti u përgjigj me tone të forta duke e quajtur opozitën shqiptare të papërgjegjshme dhe pa të drejtë morale për të folur për dorëheqje e etikë politike.
“Duhet të vriten dhe të dënohen me burg shqiptarët si në të kaluarën, ndoshta atëherë do të jenë të përfaqësuar, sipas logjikës së opozitës shqiptare! Në të kaluarën kishte viktima, përplasje, disa njerëz vazhdojnë të mbeten në burg si pasojë e politikave të tyre dhe ata as atëherë kur ishin në pushtet e as tani në opozitë nuk mbajnë asnjë përgjegjësi. Opozita shqiptare nuk ka të drejtë morale të flas për dorëheqje dhe etikë në politikë bërje”, deklaroi Mexhiti.
Mesazhi i zëvendëskryeministrit të parë, Izet Mexhiti ishte i qartë, opozita shqiptare e udhëhequr nga BDI-ja, jo vetëm që ka dështuar kur ishte në pushtet, por edhe sot në opozitë vijon me të njëjtën logjikë të dëmshme për shqiptarët.
