Kryetari i komunës së Çairit dhe njëri nga liderët e koalicionit qeverisës VLEN, Izet Mexhiti, në një intervistë për TV21 ka reaguar ndaj pretendimeve të BDI-së për “legjitimitet” dhe “referendum”, duke theksuar se partia e Ali Ahmetit po përpiqet të manipulojë opinionin me rezultate të rreme.
“Gjatë gjithë fushatës dhe pas zgjedhjeve, ata flasin për legjitimitet dhe referendum, por nëse duan ta masin legjitimitetin, hajde ta masim drejt. Mirëpo ai nuk mund të matet me Pllasnicën, ku kemi etnitet turk, apo me Çashkën, sepse edhe kur ishin në qeveri, BDI nuk e fitoi Çashkën. Aty ishte garë mbipartiake, ne nuk patëm kandidat”, deklaroi Mexhiti.
Ai shtoi se e vetmja komunë ku BDI ka arritur fitore reale është Likova, ndërsa në shumicën e komunave të tjera shqiptarët kanë votuar ndryshe, duke dëshmuar qartë se besimi dhe mbështetja janë zhvendosur drejt koalicionit VLEN.
