Kandidati për kryetar të Komunës së Çairit Izet Mexhiti sot ishte në terren në rrugën 157 në Gazi Babë, ku ndoqi nga afër ecurinë e punimeve që po zhvillohen në këtë rrugë.
‘Kanalizimi atmosferik është pothuajse i përfunduar dhe shumë shpejt do të lidhet me gypin kryesor në bulevard. Paralelisht, po zhvillohen punimet për rrjetin e ujësjellësit, të cilat ecin sipas planit. Ky projekt do të përmirësojë kushtet e jetesës për rreth 90 familje banore të lagjes’, tha Mexhiti.
Ashtu siç është premtuar, shtoi ai pas përfundimit të punimeve nëntokësore, projekti do të vazhdojë me asfaltimin e rrugës dhe
vendosjen e ndriçimit të ri publik.
Mexhiti u bëri thirrje banorëve për mirëkuptim, duke theksuar se kushtet atmosferike janë të favorshme dhe se pritet që punimet të përfundojnë në afat sa më të shkurtër.