Gjatë intervistës për emisionin Pressing në T7, Zëvendës kryeministri i parë dhe kandidat i koalicionit Vlen për komunën e Çairit, Izet Mexhiti tha se nuk ka analiza për zgjedhje të parakohshme parlamentare.
Fokusi sipas tij për momentin ishte vetëm tek zgjedhjet lokale për shkak të terenit të gjatë.
“Fokusi është tek zgjedhjet lokale se është tereni i gjatë me 16 komuna shqiptare. Pas zgjedhjeve lokale do të bëjmë analiza dhe nuk ka indikacione për zgjedhje të parakohshme, formatim të qeverisë dhe mund të ketë për shkak se është normale nëse unë fitoj komunën e Çairit në vendin e Zëvendës kryeministrit të parë do vije dikush tjeter ose siç kam thënë Bekim Sali”, shtoi më tej Mexhiti.
Burimi: fol.mk
