Kandidati i koalicionit VLEN për kryetar të komunës së Çairit, Izet Mexhiti, zhvilloi sot një shëtitje nëpër Çarshinë e Vjetër dhe takoi
shumë qytetarë, siç thotë ai në zemrën historike të Shkupit.
Gjatë ecjes në rrugicat e Çarshisë, të ndriçuara nga dielli i vjeshtës
dhe jehona e zërave të tregtarëve, Mexhiti u përshëndet nga qytetarë të
shumtë, duke shkëmbyer përshëndetje dhe shtrëngime duarsh me ta.
“Çdo përshëndetje, çdo dorë e shtrënguar, më kujton se forca jonë vjen nga njerëzit, nga besimi i tyre dhe nga angazhimi ynë për një qeverisje të ndershme”, u shpreh Mexhiti pas takimeve.
Ai theksoi rëndësinë e prezencës së përditshme në mesin e qytetarëve, duke dëgjuar shqetësimet dhe shpresat e tyre, si pjesë e angazhimit të
tij për një qeverisje të drejtë dhe transparente në Çair.
Vizita e sotme në Çarshi ishte një tjetër dëshmi e lidhjes së fortë të Mexhitit me qytetarët dhe bizneset në këtë pjesë si dhe mbështetjen e gjerë që ai gëzon në prag të zgjedhjeve lokale.
