Kandidati i VLEN-it për komunën e Çairit, Izet Mexhiti, ka vlerësuar lart rolin e klubit futbollistik “Beshiktash”, duke e quajtur atë një histori suksesi dhe krenarie për komunën.
“Klubi ‘Beshiktash’, i themeluar në vitin 2000, është krenari e madhe e komunës sonë. Prej 25 vitesh, nën drejtimin e Sherafedin Sulimanit dhe trajnerit Furkan Ali, ky klub ka nxjerrë gjenerata të tëra futbollistësh që kanë shkëlqyer si në vend, ashtu edhe në klube ndërkombëtare”, shkroi Mexhiti.
Ai shtoi se puna e bërë deri më tani përbën një pasuri të madhe jo vetëm për sportin, por edhe për komunitetin.
“Ky është një kontribut i jashtëzakonshëm për rininë dhe për komunitetin tonë. Ne shprehim mirënjohje të thellë për këtë punë të jashtëzakonshme, e cila forcon jo vetëm sportin, por edhe identitetin dhe krenarinë tonë si komunë”, ka shkruar ai.
Mexhiti premtoi se mbështetja për sportin dhe rininë do të jetë prioritet në mandatin e ardhshëm.
“Në mandatin e ardhshëm, si kryetar i Çairit, do të vazhdojmë ta mbështesim sportin me prioritet të lartë, sepse aty ku investohet tek rinia dhe talenti, investohet tek e ardhmja jonë”, është shprehur Mexhiti.
Burimi: alfax.mk
