Zëvendëskryeministri i parë dhe njëherësh kandidati i VLEN-it për kryetar të Komunës së Çairit, Izet Mexhiti, ka bërë të ditur nisjen e një projekti të rëndësishëm për qytetarët e lagjes Tophanë, rikonstruksionin e rrugës “Banatska”.

Me një buxhet prej rreth 3 milionë denarësh, ky investim i financuar nga thirrja e dytë e Qeverisë për mbështetje të komunave, do të sjellë asfaltim të plotë, bazament të përforcuar dhe një sistem modern kullimi. Projekti garanton siguri, komoditet dhe qëndrueshmëri afatgjatë për banorët e kësaj zone.

“Ky është modeli ynë i punës, profesionalizëm, rezultate të prekshme dhe fokus tek qytetari. Së bashku po ndërtojmë një Çair ku çdo qytetar ndihet i vlerësuar dhe i përfshirë,” ka thënë Mexhiti.

Sipas Mexhitit nisja e këtij projekti dëshmon se VLEN nuk merret me fjalë boshe, por me vepra që përmirësojnë jetën e qytetarëve.