Në një atmosferë entuziazmi dhe mbështetjeje nga qytetarët në Dibër për kandidain e VLEN-it, Fisnik Mela, zv/kryeministri dhe njëri nga liderët e VLEN-it, Izet Mexhiti tha se Dibra është gati për një epokë të re.
“Dibra po zgjohet, ndryshimi po ndodh! Sonte, në zemër të Dibrës, hapëm shtabin zgjedhor të VLEN, mes entuziazmit të qytetarëve dhe besimit të ndërsjellë se një epokë e re po vjen,” shkroi ai.
Ai theksoi se kandidati i VLEN-it, Fisnik Mela, përfaqëson një drejtim të ri për qytetin.
“Kandidati ynë, Fisnik Mela, përfaqëson shpresën për një drejtim të ri, të bazuar në profesionalizëm, përvojë dhe përkushtim ndaj qytetarëve. Keqmenaxhimit dhe mungesës së vizionit po i vie fundi. Dibra meriton më shumë.”
Mexhiti nënvizoi se Dibra ka potencial të madh zhvillimi, i cili do të shfrytëzohet me drejtimin e ri.
“Potenciali për zhvillim është i madh dhe me Fisnikun në krye, Dibra do ta marrë vendin që i takon. Dibra VLEN!”, përfundoi ai.
Burimi: alfax.mk
