Kryetari i Komunës së Çairit, Izet Mexhiti i ka shoqëruar ekipet e Higjienës Komunale të cilët po kujdesen që gjatë ditës së Bajramit komuna të jetë e pastër.
“Çdo ditë angazhohemi për mirëmbajtjen dhe pastërtinë e hapësirave publike, ndërsa sonte ky angazhim po intensifikohet edhe më shumë. Ka nisur pastrimi i plotë i rrugëve, parqeve, trotuareve dhe zonave përreth kontejnerëve, me qëllim që çdo cep i Çairit të reflektojë dinjitetin e kësaj feste”, ka njoftuar Mexhiti.
Mexhiti ka siguruar se Bajrami do të pritet me respekt, gëzim dhe ndjenjë solidariteti, ashtu siç e meriton një ditë që bashkon familjen, shoqërinë dhe vlerat tona më të mira.
Burimi: alfax.mk
