Rruga nr. 3 e Bulevardit “Mid’hat Frashëri” në lagjen Teneqe Mahallë është tashmë e përfunduar, pas vendosjes së shtresës përfundimtare të asfaltit. Kryetari i Komunës së Çairit, Izet Mexhiti, njëherësh edhe njëri nga liderët e koalicionit qeverisës VLEN, e cilësoi këtë investim si një hap tjetër drejt përmirësimit të standardeve urbane.
“Me përfundimin e kësaj rruge, kemi sjellë një nivel më të lartë cilësie në lëvizje, kemi rritur sigurinë rrugore dhe kemi përmirësuar ndjeshëm çasjen për të gjithë banorët e zonës,” ka deklaruar Mexhiti.
Mexhiti gjithashtu ka theksuar se ky projekt është pjesë e një plani të gjerë transformues.
“Vazhdojmë me përkushtim punën për të sjellë standarde moderne në çdo lagje dhe për të forcuar zhvillimin urban të Çairit,” ka thënë më tej Mexhiti.
