Kandidati i koalicionit qeverisës VLEN për kryetar të Komunës së Çairit, njëherësh edhe zëvendëskryeministër i parë i vendit, Izet Mexhiti, ka publikuar sot në mëngjes një video nga Lagjja e Gazi Babës.
Me një përshëndetje të thjeshtë, “Mirëmëngjesi nga rruga 157 në Lagjen Gazi Babë” Mexhiti ka shpalosur para opinionit rezultatet konkrete të punimeve që po zhvillohen pa ndërprerje gjatë një viti e gjysmë të qeverisjes së VLEN-it.
Sipas Mexhitit pamjet nga terreni tregojnë qartë se premtimet nuk mbetën vetëm fjalë, por u kthyen në projekte reale që përmirësojnë jetën e qytetarëve. Infrastruktura e re, dinamika e punimeve dhe serioziteti i qasjes janë dëshmi se VLEN-i po sjell standarde të reja të zhvillimit në Çair.
Mexhiti përmes kësaj videoje gjithashtu ka treguar qartë se Çairi meriton zhvillim dhe kjo bëhet vetëm me punë të ndershme, transparente dhe të përditshme.
