Zëvendëskryeministri i parë, Izet Mexhiti dhe njëherësh kandidat i VLEN-it për kryetar i Çairit dha një përgjigje të fuqishme dhe shumë krenare përballë fyerjeve që iu bënë ditë më parë kësaj komune.
I pyetur nga gazetari i Kosovës, Mirlind Behluli se si e ndjeu veten kur Çairi u quajt “Kandahar”, Mexhiti, me qetësinë dhe mençurinë e tij karakteristike dhe këtë përgjigje.
“Nuk e di si e kanë quajtur, unë e quaj Çairin diamant. Është shumë i vogël, vetëm 3.4 kilometra, por reflekton gjerë. Ata që e kanë quajtur ‘Kandahar’, ne do ua kryejmë edhe kanalizimin në Zajaz, e mandej le të flasim për estetikë e çështje tjera,” ka deklaruar Mexhiti.
Deklarata e Mexhitit jo vetëm që i jep dinjitet Çairit, por edhe e shndërroi fyerjen e bërë ditë më parë në një bumerang që godet autorin e saj. Në vend që të përmendte me emër kryetarin e BDI-së, Mexhiti zgjodhi të tregojë nivel, duke e ngritur Çairin mbi çdo lloj etikete fyese.
