Kandidati i koalicionit qeverisës VLEN për kryetar të Komunës së Çairit, Izet Mexhiti, në emisionin “RISHTAZI” në gazetën Koha, përballë gazetarit Nazim Rashidi, ka lëshuar një akuzë të fuqishme në drejtim të kundër kandidatit të tij nga radhët e Aleancës Kombëtare për Integrim, Bujar Osmani.
“Të vetmen punë që e ka bërë Bujar Osmani sa ka qenë ministër i Shëndetësisë është rinovimi i spitalit gjinekologjik në Çair. Fatkeqësisht, ai edhe aty ka vjedhë! Gjykata speciale e formuar në Maqedoni, të cilën e kemi llogaritur që është gjykata më neutrale, e përkrahur nga ndërkombëtarët, një prej rasteve të saj ka qenë edhe rasti ‘Pacienti’ për spitalin gjinekologjik në Çair, spitalin e nënave të Çairit,” ka deklaruar Mexhiti.
Mexhiti me këtë deklaratë ka ngritur tonet e fushatës duke i kujtuar qytetarët e Çairit lidhur kundër kandidatin e tij me afera korruptive që, sipas tij, prekin edhe sektorin më të ndjeshëm, shëndetin e grave dhe nënave të Çairit.
