Kandidati i koalicionit qeverisës VLEN për kryetar të Komunës së Çairit, Izet Mexhiti, ka lëshuar një tjetër deklaratë të fortë në drejtim të kundër kandidatit të tij nga koalicioni opozitar AKI, Bujar Osmani. Në një intervistë për televizionin 21, Mexhiti ka theksuar se Osmani vazhdon t’i ikë çdo përballjeje direkte, pavarësisht ftesave të përsëritura për debat publik.
“Fillimisht më je paraqitur, më ke sfiduar për debat me Bujar Osmanin, unë e pranova dhe të thash që ai nuk do të vjen, dhe mandej edhe e vërtetove që nuk vjen në debat me arsyetime të ndryshme. Unë bile thash që këtu të kemi edhe një karrige, eshe ta ftojmë Bujarin”, deklaroi Mexhiti, duke ironizuar mungesën e guximit të rivalit të tij.
Mexhiti shtoi se edhe pse dikur ai vetë e kishte sjellë Osmanin nga PDSH në BDI, sot po e sheh se kreu i ish-partisë së tij, Ali Ahmeti, “e ka njohur më mirë karakterin e tij”.
“Si duket, edhe pse Bujar Osmanin unë e kam sjellë në BDI nga PDSH-ja, por si duket Aliu e paska njohur më mirë, madje edhe publikisht i thotë frikacak”, ka theksuar Mexhiti.
